Ozan Serhad



Çûka serê darê
Hey lê çûka serê darê
Te xwe daye li quntarê
Çi digerî vê buharê
Te li ku wenda kirye yarê

Çi digerî li wan milan
Tu dixwînî wek bilbilan
Dil jê girtî êşê dilan
Te li ku wenda kirye yarê

Wekî kurka li ser çûkan
Wek dayika ser sêvîkan
Mihacir bû li ber tirkan
Te li ku wenda kirye yarê

Mizgîna Çeleng
Em    D E/B D         C        Am
Keça dilşewat, daket nav civat
Em    D E/B D         C        Am
Destpêkir xebat, xebata zêrîn
E      C        Am  E      C       Am
Şêra me Kurdan silav da Tetwan
E     C     E F              E
Tevî hevalan dikir tekoşin
E            Am     E             Am
Mizgîna leheng, Mizgîna çeleng
E           C     E F                      E 
Xwediyê nav û deng: Gurbet Aydin

Di vê biharê daket kenarê
Yanzde Gulanê rojek pir bêtî
Şera me Kurdan silav da Tetwan
Tevî hevalan dikir tekoşin
Mizgîna leheng, Mizgîna çeleng
Xwediyê nav û deng: Gurbet Aydin

Gulle diavêtin pêsîra dujmin
Komên faşistan berjor difirîn
Şêra me Kurdan silav da Tetwan
Tevî hevalan dikir tekoşin
Mizgîna leheng, Mizgîna çeleng
Xwediyê nav û deng: Gurbet Aydin

Hewlêr
Hewlêr lorîka dayîkan
Hewlêr qîrîna zarokan
Hewlêr kilê çawên bûkan
Hewlêr bi xwîna şehîdan
Te navê xwe kir berxwedan
Hewlêr Hewlêr
Agirê serhildan e qelayê berxwedan e
Hêlîna şehîdan e Hewlêr
Hêlîna Egîdan e Hewlêr

Hewlêr ji nû ve dayik bû
Hewlêr bi pêt û agir bû
Agirê dilê xortan, nav mirinê kir jîyan
Hewlêr
Agirê dilê keçan nav mirinê kir jîyan
Hewlêr

Hewlêr namîne wek caran
Wê bibe gora xayinan
Bi xwîna Helîn û Salihan
Geş dibin çîçek û sorgulan
Hewlêr Hewlêr
Agirê serhildan e qelayê berxwedan e
Helîna şehîdan e Hewlêr
Helîna Egîdan e Hewlêr

Payîz e
Payîz e ew dema çû 
Ber zivistan derd giran bû
Çendîn bihar wê bihar wê derbas bû
Çendîn havîn wê derbas bûn
Agirê dilêm derman nebû

Kela şînê, derya jînê
Ez kuştim ax wê evînê

Payîz e mij û dûman
Berx ketiye sofra guran
Çendîn deman, çendîn salan
Her mane li cîh û waran
Em mane bin cîh û waran

Kela şînê, derya jînê
Ez kuştim ax wê evînê

Şêr e
Şêr e, Şêr e, Şêr e...
Çi jin e yan çi mêr e
Çûye nav bajêr e
Evîna min jê re
Mêr e...
Ew bûye Şoreşger e

Mêr e, Mêr e, Mêr e...
Di dest de tewr û bêr e
Çûye gundê jêr e
Kama dilê min bi wê re
Mêr e...
Ew hemî Şoreşger e

Ew doza Kurdistan
Qet nîne rawestan
Welatê serbestan
Ji jor we heta jêr e

Şêr e, Şêr e, Şêr e...
Çi jin e yan çi mêr e

Ser banîka
Keçik dîbûm li banîka
Xezal dîbûm li banîka
Enya gewher, enya zirav
Tunçkê enyê bin şewqê ra
De bila bîra te were
Çawa ez û tu l’ser banîka
Em dilîstin ser xanîka

Derd û kulê me giran e
Welatê me bin destan e
Heta azadiyê em nebînin
Li xwe nakin kincê bûk zavan e
De bila bîra te were
Çawa ez û tu l’ser banîka
Em dilîstin ser xanîka